തമിഴ്നാട്ടില് മദ്യക്കടയില് മോഷണ ശ്രമം; സുല്ത്താന് ബത്തേരി സ്വദേശിയെ വെടിവച്ച് പിടികൂടി
ഗൂഡല്ലൂര്: തമിഴ്നാട് നെലാകോട്ട കുന്നലാടിയില് മദ്യക്കടയില് മോഷണം നടത്താന് ശ്രമിച്ച മലയാളിയെ വെടിവച്ച് പിടികൂടി പൊലീസ്.
പാട്ടവയലില് താമസിക്കുന്ന സുല്ത്താന് ബത്തേരി സ്വദേശി മണി എന്ന സാമ്ബാര് മണിയെയാണ് (47) പൊലീസ് പിടികൂടിയത്.
മോഷണം തടയാന് ശ്രമിച്ചപ്പോള്, മണിയും സംഘവും ആക്രമിച്ചതോടെ സ്വയരക്ഷയ്ക്കായാണ് വെടിവച്ചതെന്ന് പൊലീസ് പറഞ്ഞു.
മണിയുടെ സുഹൃത്ത് നിലമ്ബൂര് സ്വദേശി ചെമ്ബകശേരി വീട്ടില് ജിമ്മി ജോസഫിന് (40) വേണ്ടി അന്വേഷണം തുടരുകയാണ്.
വെള്ളിയാഴ്ച്ച പുലര്ച്ചെ മൂന്നു മണിയോടെയായിരുന്നു സംഭവം. മോഷണശ്രമത്തിന്റെ വിവരം അറിഞ്ഞ് സ്ഥലത്തെത്തിയ പെട്രോളിംഗ് സംഘത്തെ മണിയും സംഘവും കത്തിയും മറ്റ് ആയുധങ്ങളും ഉപയോഗിച്ച് ആക്രമിക്കുകയായിരുന്നു.
രണ്ട് പൊലീസ് ഉദ്യോഗസ്ഥര്ക്ക് വെട്ടേറ്റതോടെയാണ് പൊലീസ് വെടിയുതിര്ത്തത്.
മണിയുടെ കാലിനാണ് വെടിയേറ്റത്. ഇതോടെ സംഘത്തിലുണ്ടായിരുന്ന ജിമ്മി ഓടി രക്ഷപ്പെടുകയായിരുന്നു. ജിമ്മിയെ കണ്ടെത്താനുള്ള ശ്രമം തുടരുകയാണെന്നും മണി മോഷണം അടക്കം നിരവധി കേസുകളില് പ്രതിയാണെന്നും പൊലീസ് അറിയിച്ചു.
ആക്രമണത്തില് പരുക്കേറ്റ ഷിഹാബുദ്ദീന് (47), അന്പഴകന് (34) എന്നീ പൊലീസുകാരെ ഗൂഡല്ലൂര് ജില്ലാ ആശുപത്രിയില് പ്രവേശിപ്പിച്ചു.
