തിരുവനന്തപുരം: കേരള സ്റ്റേറ്റ് സെന്റര് ഫോര് അഡ്വാൻസ്ഡ് പ്രിന്റിംഗ് ആൻഡ് ട്രെയിനിംഗിന്റെ ആഭിമുഖ്യത്തില് തിരുവനന്തപുരം ട്രെയിനിംഗ് ഡിവിഷനില് വിവിധ തൊഴിലധിഷ്ഠിത ഡിപ്ലോമ കോഴ്സുകള്ക്ക് ഇപ്പോള് അപേക്ഷിക്കാം.
ഡിപ്ലോമ ഇൻ ഇന്ററാക്ടീവ് മള്ട്ടിമീഡിയ ആൻഡ് വെബ്ടെക്നോളജി, ഡിപ്ലോമ ഇൻ കമ്ബ്യൂട്ടറൈസ്ഡ് ഫിനാൻഷ്യല് മാനേജ്മെന്റ്, ഡിപ്ലോമ ഇൻ പ്രൊഫഷണല് ഗ്രാഫിക് ഡിസൈനിംഗ്, ഡിപ്ലോമ ഇൻ കംപ്യൂട്ടര് ആപ്ലിക്കേഷൻസ് എന്നി കോഴ്സുകളാണ് ഉള്ളത്.
പട്ടികജാതി, പട്ടികവര്ഗം, മറ്റര്ഹ വിദ്യാര്ത്ഥികള്ക്ക് നിയമാനുസൃത ഫീസ് സൗജന്യമാണ്. ഒ.ബി.സി./എസ്.ഇ.ബി.സി/മുന്നാക്ക വിഭാഗങ്ങളിലെ സാമ്ബത്തികമായി പിന്നാക്കം നില്ക്കുന്ന വിദ്യാര്ത്ഥികള് എന്നിവര്ക്ക് വരുമാന പരിധിയ്ക്ക് വിധേയമായി ഫീസ് സൗജന്യമായിരിക്കുമെന്ന് മാനേജിംഗ് ഡയറക്ടര് അറിയിച്ചു. അപേക്ഷാ ഫോമിന്റെ വില 100 രൂപയാണ്. പൂരിപ്പിച്ച അപേക്ഷ വിദ്യാഭ്യാസ യോഗ്യത, ജാതി, വരുമാനം എന്നിവയുടെ സാക്ഷ്യപ്പെടുത്തിയ പകര്പ്പുകള് സഹിതം സെപ്റ്റംബര് 18ന് മുൻപായി സമര്പ്പിക്കണം. കൂടുതല് വിവരങ്ങള്ക്ക് 0471 2347209, 2447328 , http://www.captkerala.com/
