22.12.2018 ൽ ബാവലിയിൽ ഒന്നര കിലോഗ്രാം കഞ്ചാവ് കടത്തിക്കൊണ്ട് വന്ന കുറ്റത്തിന് അറസ്റ്റിലായ കാസർഗോഡ് കമറുന്നീസ മൻസിലിൽ അബ്ദുൾ റൗഫ് (26) നെയാണ് കല്പറ്റ അഡിഷണൽ സെഷൻസ് (NDPS സ്പെഷ്യൽ) കോടതി 2 വർഷം കഠിന തടവിനും 20,000 രൂപ പിഴക്കും ശിക്ഷിച്ചത്. വയനാട് എക്സൈസ് സ്പെഷ്യൽ സ്ക്വാഡ് സർക്കിൾ ഇൻസ്പെക്ടർ ആയിരുന്ന ജിമ്മി ജോസഫും സംഘവുമാണ് പ്രതിയെ അറസ്റ്റ് ചെയ്തത് . വയനാട് അസി. എക്സൈസ് കമ്മീഷണറായിരുന്ന എൻ. രാജശേഖരൻ്റെ നേതൃത്വത്തിലായിരുന്നു അന്വേഷണം പൂർത്തിയാക്കി കുറ്റപത്രം സമർപ്പിച്ചത്. നാർകോട്ടിക് സ്പെഷ്യൽ ജഡ്ജ് അനിൽകുമാർ S.K വിധി പ്രഖ്യാപിച്ചു. പ്രോസീക്യൂഷന് വേണ്ടി അഡിഷണൽ പബ്ലിക് പ്രോസീക്യൂട്ടർ അഡ്വക്കേറ്റ് എ.യു.സുരേഷ്കുമാർ ഹാജരായി.
